සිහිනයකි රෑ

රූපවාහිනයේ ඉරිදා රෑ දහයට සිහිනයකි රෑ නමින් වැඩසටහනක් යනවා. කවුරුහරි ප්‍රසිද්ද චරිතයක් ගෙනැවිල්ලා ඔහු කැමති ගීත දහයක් එක ගායකයකු හෝ ගායිකාවක් ලවා ගායනා කරවනවා. ඒක ජනප්‍රිය වැඩසටහනක් කියා මා හිතන්නේ. මට ඒ වගේ ගීත තෝරන්න දුන්නා නම් මා තෝරන ගී වලින් එකක් මේ. අවුරුදු ගානකින් මේ ගීය ඇහුනේ නැහැ. ගායනය වික්ටර් රත්නායක, පද මඩවල රත්නායක සංගීතය අමරදේව. මගේ හැඩි දැඩි වචන වලින් මෙය මා රස විදින හැටි කියා එහි ලස්සන නැති කරන්න බළාපොරොත්තුවක් නැහැ.

රෑ කල පැලට වී හේනේ ලගින්නේ

පාලුව හෙමින් මගෙ පැලටත් එබෙන්නේ

මේ අටවකයි සද අහසේ පිපෙන්නේ

මා සිත ලගට මැණිකේ පිය නගන්නේ

ඔබෙ තනි රකින්නයි මා කවි කියන්නේ

ඒ තනියටයි වල් ඌරන් දුවන්නේ

සුළගේ සීතලට නෙත් ඔබ සොයන්නේ

වෑකන්ඩියේ මහ නුගරුක පෙනෙන්නේ

පහල බෑවුමේ ඉදලොලු පදුරෙන්නා

කොල මල්ලෙන් එකක් ගෙට මා ගෙන එන්නා

කොල ඇඹුලකට තෙලටිය දළු කඩන්නා

හිරු එළියට කලියෙන් මා ගෙට එන්නා